'फष्ट लभ' को गित सार्वजनिक

काठमाण्डौ, २४ असार- नेपाली युवा पुस्ता माझ प्रदर्शन अगावै चर्चा पाउन सफल चलचित्र 'फष्ट लभ' को गित सार्वजनिक भएको छ ।

प्रिन्स मुभिजको ब्यानरमा सिमोस सुनुवारद्धारा निर्देशित उक्त चलचित्रको राजधानीमा अयोजित एक कार्यक्रमा जम्मा पाँच मध्ये तीन गितको अडियो भिजुअल सोही चलचित्रका कलाकारहरूले एक साथ सार्वजनिक गरेका हुन ।

आगामी साउन २१ गते बाट देश भरिका ६० वटा भन्दा बढी सिनेमा हलबाट एक साथ प्रदर्शनमा आउन लागेको उक्त चलचित्रमा सत्य-स्वरूप आचार्यले संगीत दिएका छन् । माधव वाग्ले र नरेन्द्र महर्जनको संयुक्त लगानीमा निर्माण गरिएको उक्त चलचित्र म्यूजिक लभ स्टोरी भएको निर्माता वाग्लेले बताए । वाग्लेले उक्त चलचित्रलाई 'कागवेनी र सानो संसारको निरन्तरता भएको' बताए । यस्तै वाग्लेले 'यो चलचित्र हेर्दा सबले आफ्नो पहिलो प्रेमको सम्झना गर्ने' बताए ।

नेपाली तारा दुई सन्तोष लामा, इन्दिरा जोशी, रजिना लामा लगायतको स्वर रहेको सो चलचित्रमा आर्यन सिग्देल, महेश शाक्य कर्म, विनय श्रेष्ठ, निशा अधिकारी, तथा पहिलो पटक नायिकामा डेब्यु पाएकी रिचा शर्माको अभिनय रहेको छ । चलचित्रको छायाङ्कन हरि हुमागाईले गरेका हुन ।