काठमाण्डौ ४ असार - प्रधानमन्त्री माधव कुमार नेपालको राजिनामाको चर्चा चलिरहेकै बेला अर्को प्रधानमन्त्रीका लागि राजनीतिक दलबाट विभिन्न प्रस्तावहरू बाहिर आईरहेका बेला एकीकृत माओवादीका उपाध्यक्ष डा। बाबुराम भट्टराईले प्रधानमन्त्रीको भावी उम्मेदवार आफु नभएको स्पष्ट पारेका छन् ।राजधानीमा शुक्रबार भएको एक कार्याक्रमममा बोल्दै उपाध्यक्ष भट्टराईले भने 'म बाबुराम भट्टराई अहिले प्रधानमन्त्रीको उम्मेदवार अझै हैन, अहिलेका प्राथामिकता भनेको राष्ट्रिय सहमति र संविधान निर्माण हो ।' यस्तै भट्टराईले 'माओवादी जनमूक्ति सेनापनि सरकारकै सेना भएकाले नेपालीसेना र जनमूक्ति सेनाको हैसियत पनि एउटै भएको' बताए । यस्तै सोही कार्याक्रममा जनमूक्ति सेना र नेपाली सेनाको विषयमा माओवादी उपाध्यक्ष भट्टराईले दिएको अभिव्यक्तिलाई कटाक्ष गर्दै एमालेका प्रभावशाली नेता केपी ओलीले 'दुवै सेनाको हैसियत एउटै भएको भन्नु निद्रामा चकलेट खानु सरह भएको' बताए । ओलीले जति सक्दो चाडो राष्ट्रिय सहमति बन्छ त्यति चाडो नया सरकार गठनको बाटो खुल्ला हुने भन्दै माओवादीलाई सत्ता कब्जा गर्नेउद्देश्य छाडी सहमतिमा आउन आग्रह गरेका थिए ।
यस्तै सोही कार्याक्रमा नेपाली काग्रेसका उपसभापति राम चन्द्र पौडेलले 'दलहरूबीच विश्वासको संकट नै सहमतिको बाधक भएको भन्दै सहमतिको विकल्प नभएको बताए ।'
No comments:
Post a Comment