खेर गए प्रधानमन्त्रीको चार वटा मिति, पाचौमा फइनल १० गते गर्ने

काठमाण्डौ, ४ असार- प्रधानमन्त्री माधव कुमार नेपालले आज राजिनामा दिने बताएतापनि उनको त्यो राजिनामाको आज पनि नआउने भएको छ । यस अघि तीन पटक तीन मितिमा राजिनामा दिने बताउदै आएका प्रधानमन्त्री नेपालले राजिनामाको हुंकार छाडेको चौथो पटकको आजको मिति समेत खेर जाने लगभग पक्का भएको छ ।

दलहरूबीच सहमति नहुदा आफ्नै वेइजत भएको भन्दै प्रधानमन्त्री १५ दिन यता राजिनामा दिने मुडमा थिए । तर पटक-पटक राजिनामा दिने तयारी भईरहेको बेला अन्त्यमा उनको राजिनामा रोकिएको थियो । संविधानसभाको म्याद थपेको पाच दिन भित्र यानिकी जेठ १९ गते पहिलो राजिनमा गर्ने भन्दै आएका नेपाललको पहिलो राजिनामा विविध कारणबस अन्यौल रह्यो त्यसपछी दोस्रो पटक संविधानसभा भवनमा बसेको तीन दलको बैठकमा सेना समायोजनका विषयमा तुरून्त सहमति भएको जेठ २३ गते राजिनमा दिने बताएको दोस्रो मिति पनि त्यतिकै तुहियो ।

तुहिएको सो सहमति पछी दलहरूबीच रोकिएको अर्न्तसंवादलाई जिवित राख्ने हिसावले प्रधानमन्त्रीले जेठ २८ सम्म सहमति कायम भए आफुले राजिनमा दिने बताए र त्यो पनि त्यतिकै टर्यो यस्तै तेस्रो पटक सम्म पनि राजिनामा नदिएपछी असार ४ गते भने पक्कै राजिनामा दिने बताएका नेपालले आजको राजिनामालाई १० गते सम्मका लागि पर सारेको स्रोतको भनाई छ । प्रधानमन्त्रीको भनाई उल्लेख गर्दै स्रोतले भन्यो 'दलहरू १० गते भित्र सहमति होस वा नहोस त्यस दिन भने पक्कै राजिनामा दिन्छु ।' सहमतिको राजनीतिलाई अगाडी बढाउन असफल प्रधानमन्त्रीको तक्मा पाईसकेका प्रधानमान्त्री नेपालले आज साझ सम्म पनि राजिनामा नदिएको राजिनामाको उनको चौथो मिति समेत खेर जाने करिब निश्चित छ । यध्यपी असार १० गते भित्र राजिनामाको फाइनल गर्न सके भने उनलाई सवैले धन्यवाद दिने छन ।