हिन्दु राज्य कायम हुनु पर्ने पूर्व प्रधानमन्त्री भट्टराईको माग, १४ जेठमा संविधान नबने केही फरक नपर्ने

काठमाण्डौ, २० फागुन- पूर्व प्रधानमन्त्री तथा काग्रेस सस्थापक नेता कृष्ण प्रसाद भट्टराईले कुनै पनि हालतमा नेपाल हिन्दु राज्य हुनु पर्नेमा माग राखेका छन् ।

पशुपतिको वनकालीमा भईरहेको सहस्र चण्डी महायज्ञमा होमका लागि त्यहा पुगेका सन्त नेता भट्टराईले "नेपालमा हिन्दु धर्मको आवश्यकता अझै रहेको भन्दै उनले सनातन देखि हिन्दु अधिराज्य भएकाले यो देश हिन्दु अधिराज्य ने हुनु पर्ने" बताए । यस्तै आगामी जेठ भित्र संविधान बन्छ कि बन्दैन भन्ने सञ्चारकर्मीहरूको प्रश्नमा उनले "१४ जेठ भित्र संविधान नबने केही फरक नपर्ने" तर्क गरे । यस्तै उनले "आफ्नै नेतृत्वमा २०४७ को संविधान उत्कृष्ट भएको भन्दै नेता भट्टराईले यो संविधान पनि उत्कृष्ट बन्नेमा आफु अशावादी रहेको" बताए ।