काठमाण्डौ, ९ पुस- आज बसेको मन्त्री परिषदको बैठकले अन्तराष्ट्रिय समुदायको दबाबका बाबजुत द्धन्द्धकालमा ३९ जनाका हत्या आरोपी तोरण जंग बहादुर सिहलाई रथी पदमा बढुवा गर्ने निर्णय गरेको छ ।द्धन्द्धकालिन समयमा भैरवनाथ गणमा निर्दोष नागरिकको हत्याको आरोप खेपिरहेका बालाधिकृत रथी सिहको बढुवा नगर्न अमेरिका, बेलायत लागयतका राष्ट्रले सराकारलाई दबाब दिदै आएतापनि उनी सेनाको दोस्रो बरियातामा बुढुवा भएका हुन । त्यस्तै मन्त्री परिषदको निर्णय बारे सञ्चारकर्मीलाई जानकारी दिदै सूचना तथा सञ्चारमन्त्री एव सरकारका प्रवक्ता शंकर पोखरेलले नेपालको शान्ति प्रक्रिया पूर्ण नभएको भन्दै अनमिनको म्याद थप ४ महिना थप्नका लागि राष्ट्रसंघीय सुरक्षा परिषदलाई आग्रह गर्ने समेत निर्णय भएको बताए । यस अघि अनमिनको म्याद ४ पटक थप गरिसकिएको थियो ।
नेपालको शान्ति प्रक्रियामा पुर्र्याएको योगदानका लागि हक दाबी सहित नेतृत्व दायी भूमिका निवार्ह गरेको भन्दै पूर्व प्रधानमन्त्री एव काग्रेस सभापति गिरिजा प्रसाद कोइरालाको नामलाई स्विडेनको स्टकहोमबाट प्रत्येक बर्षप्रदान गरिने विश्व प्रसिद्ध नोबेल शान्ति पुरस्कारका लागि सिफारिस गर्ने निर्णय गरेको छ । साथै सेनालाई लोकान्त्रिक बनाउन रक्षा मन्त्रीको नेतृत्वमा ५ सदस्य कार्यदल गठन गर्ने समेत निर्णय गरेको छ । कार्यदलमा रक्षा गृह , कानुन, संघीय र विना विभागिय मन्त्री रहने छन् ।
त्यस्तै आफ्नै सहकर्मीबाट बलतकृत प्रहरी सुन्तली धामीबारे छनविन गर्न सरकारले छानबिन गर्न तीन सदस्य छानविन समिति समेत गठन गर्ने निर्णय गर्नुका साथै अज्ञात समूहबाट गएको मंसिर २३ गते आक्रमणमा परेकी रूकुमकी पत्रकार टिका बिष्टको उपचार्रार्थ ३ लाख रूपैया उपलब्ध गराउने निर्णय समेत गरेको छ । त्यस्तै बैठकमा आगामी शनिबार प्रधानमन्त्रीले गर्ने चीन भ्रमणका विषयमा समेत छलफल हुनुको साथै चीन भ्रमणमा परेका १५ व्यक्तिको खर्च सरकारले व्यहोर्ने समेत निर्णय गरिएको मन्त्री पोखरेलले जानकारी दिए ।
No comments:
Post a Comment