नागरिकले पित पत्रकारिता गरेको प्रचण्डको आरोप

काठमाण्डौ, ९ पुस- एकिकृत माओवादीका अध्यक्ष पुष्पकमल दाहालले नागरिक दैनिकले मंगलबार बानेश्वरमा बोलेको आफ्नो अभिव्यक्तिलाई बङ्गाएर पित पत्रकारिता गरेको आरोप लगाएका छन् ।


हिजो बुधबार बीबीसी नेपाली सेवालाई दिएको विशेष अर्न्तवर्तामा अध्यक्ष दाहालले बुधबार नागरिक दैनिकमा प्रकाशित विदेशी हस्तक्षेपको खुल्ला आहृवान शिर्षको विशेष सम्पादकीयमा दिल्ली संगको वार्ता गर्नुको मर्मलाई नराम्रो संग तोडमोड गरिएको र भद्धा निस्कर्षनिकालिएको भन्दै त्यस्तो विचारलाई पित पत्रकारिताको संज्ञा दिएका हुन । आफ्नो अभिव्यक्तिको मूल मर्म भारत संग आन्तरिक मामला मिलाई दिने आग्रह नभई समानताको रूपमा व्यवहार गरिनुपर्ने विषयमा बार्ता गर्नु पर्ने रहेको स्पष्ट पारेका छन् ।

उनले मंगलबार आमसभामा दिएको भाषणलाई लिएर बुधबार नागरिक दैनिकको सम्पादकीयमा "छिमेकीलाई आन्तरिक राजनीति मिलाइदिन औपचारिकरूपमा खुला जनसभाबाट आहृवान गर्ने दाहालका अभिव्यक्ति आधुनिक नेपालमा कुनै पनि जिम्मेवार दलका नेताले कहिल्यै गर्न नसकेको दुस्साहस हो । स्वाधीन देशका स्वाभिमानी जनताबाट दुई-दुई क्षेत्रबाट चुनिएका नेताले प्रदर्शन गरेको यो पराधिन मानसिकता हो ।" भनि लेखिएको थियो ।