अनमिनको म्याद थप ६ महिना बढाउन सकिन्छ : डा. भट्टराई

काठमाण्डौ, १६ पुस - एकिकृत माओवादीका उपाध्यक्ष डा. बाबुराम भट्टराईले अनमिनको म्याद ६ महिनाका लागि बढाउन सकिने बताएका छन् ।

आज विहान भट्टर्राईलाई भेट्न उनको निवास शान्तिनगर पुगेकी नेपालका लागि राष्ट्रसंघीय अनमिन प्रमुख करिन ल्यानग्रिनसंग आगामी माघ ९ गते बाट सकिन लागेको अनमिनको चौथो चरणको म्याद शान्ति प्रक्रिया पुरा नभएसम्म आवश्यक भएको भन्दै अनमिनको म्याद थप ६ थप्न सकिने विषयमा छलफल भएको स्रोतले बताएको छ । यस्तै भेटमा भट्टराई र ल्यानग्रेनबीच शिविरमा रहेका माओवादी अयोग्य लडाकुका बर्हिगमन र पुनस्थापनाका विषयमा समेत छलफल भएको बुझिएको छ ।

यस्तै गएको पुस ९ गते बसेको मन्त्रीपरिषदको बैठकले शान्ति प्रक्रिया पूर्ण नभएको भन्दै संयुक्त राष्ट्रसंघसमक्ष अनमिनको भूमिका थप ४ महिनाका लागि बढाउने प्रस्ताव लैजाने निर्णय गरिरहेको अवस्थामा भट्टराईको नेपालमा अनमिनको थप भूमिकाका सम्बन्धमा पछिल्लो धारणा सार्बजनिक भएको हो ।