चिकित्सको माग पुरा गर्न सरकार तयार, ४ सदस्य कार्यदल गठन

काठमाण्डौ, १३ पुस- आकस्मिक बाहेकका सम्पूर्ण स्वास्थ्य सेवा ठप्प पारी आन्दोलनमा उत्रिएका चिकित्सकहरूको माग सरकारले पुरा गर्ने भएको छ ।

चिकित्सको माग लाई लिएर आज विहान अकस्मात कार्यवाहक प्रधानमन्त्री जिय कुमार गच्छदारको नेतृत्वमा बसेको मन्त्री परिषदको बैठकले शान्ति सुरक्षा, लगायत पेशागत सुरक्षाको ग्यारेन्टी लगायत चिकित्सक संघको ५ बुदे मागलाई समम्बोधन गर्ने भएको हो । यसका लागि सरकारले स्वास्थ्य मन्त्रीको संयोजकत्वमा ४ सदस्य कार्यदल समेत गठन गरेको छ । कार्यदलमा स्वास्थय मन्त्री उमाकान्त चौधरी, अर्थमन्त्री सुरेन्द्र पाण्डे, समान्य प्रशासन मन्त्री रवीन्द्र श्रेष्ठ र कानुन मन्त्री प्रेम बहादुर सिह रहेको सरकारका प्रवक्ता शंकर पोखरेलले जानकारी दिए । यस्तै सरकारले स्वास्थय सेवा शुल्कमा लागाउदै आएको ५ प्रतिशत करलाई समेत घटाउने निर्णय गरिएको प्रवक्ता पाखरेलले जानकारी दिए ।

यस्तै उता चिकित्सक संघका अध्यक्ष केदार नरसिह केसीले सरकारले कार्यदल गठन गरेतापनि आफ्ना मागलाई समेट्न नसकेको भन्दै आन्दोलनका अन्य कार्याक्रम भरे सार्बजनिक गर्ने बताएका छन् । उनका अनुसार सरकारसंग विगतमा पटक पटक सकारात्मक रूपले बार्ता भएतापनि कार्यान्वयन हुन नसकेको भन्दै यो प्रस्ताव प्रति पनि कुनै विश्वास नभएको भन्दै आन्दोलनका अन्य कार्याक्रम बेलुकी तय गरिने बताए ।