सत्तारूढ दलको बैठक सम्पन्न

काठमाण्डौ, ११ पुस- आज बाट प्रधानमन्त्रीले गर्ने ५ दिने चीन भ्रमणका विषयलाई छलफल गर्न बसेको २५ सत्तारूढ दलको बैठको सम्पन्न भएको छ ।

सरकारमा रहेका दलहरूसंग छलफल गर्नका लागि आज विहान प्रधानमन्त्री निवास बालुवाटारमा आहृवान गरिएको उक्त बैठकले प्रधानमन्त्रीका चीन भ्रमणका एजेण्डाका विषया छलफल गरेको प्रधानमन्त्रीका प्रेस सल्लाहकार विष्णु रिजालले जानकारी दिएका छन् । उनका अनुसार सो बैठकमा प्रधानमन्त्री माधव कुमार नेपालले चीन भ्रमणका कार्यसूचीहरूका बारेमा संविधानसभामा रहेका दलहरूलाई जानकारी दिएको बताए । त्यस्तै बैठकमा बोल्दै प्रधानमन्त्री नेपालले आफ्नो पाच दिने चीन भ्रमणले नेपाल र चीनको बीचमा रहेको हार्दिक र मैत्रीपूर्ण सम्बन्धलाई आफ्नो भ्रमणले अझ प्रगाढ बनाउने अपेक्षा गरेको बताउदै नेपालले चिनिया उच्च नेतृत्व संग आपसी हितका विषयमा महत्वपूर्ण कुराकानी समेत हुने जानकारी सत्तारूढ दलहरूलाई दिएको रिजालले बताए । प्रधानमन्त्री ५ दिने चीन भ्रंमणका लागि १५ सदस्य सरकारी टोलीको नेतृत्व गर्दै त्यस तर्फप्रस्थन गर्दै छन् ।