राजनीतिक रूपमा मात्र गणराज्य घोषणा गरिएको प्रचण्डको स्पष्टोक्ति

काठमाण्डौ, १८ मंसिर- एकिकृत माओवादीका अध्यक्ष पुष्पकमल दाहाल (प्रचण्ड) ले राजनीतिक रूपमा मात्र आफ्नो पार्टीले गणराज्य घोषणा गर्न लागेको बताएका छन् ।

नेपाल एफ एम नेटवर्क को छैठौ बाषिर्कोत्सव कार्याक्रमा बोल्दै अध्यक्ष प्रचण्डले विगतमा माओवादीका तर्फबाट भएका गल्तीलाई आफ्नो पार्टीले सच्याउन तयार रहेको तर सेनापति प्रकरणमा राष्ट्रपतिलाई असंवैधानिक कदम चाल्न बाध्य पार्ने अन्य दलहरूले पनि आफ्नो गल्तीलाई स्वृकार गर्नु पर्ने बताएका छन् । गणराज्य घोषणा केबल प्रचारात्मक र सुनिश्चितताको लागि मात्र भएको भन्दै दाहाले समानान्तर सरकार चलाउने पक्षमा माओवादी नरहेको स्पष्ट पारेका छन् । संघीयता प्रति अन्य राजनीतिक दलप्रति आफुहरू विश्वस्त नरहेकाले गणराज्य घोषणा कार्याक्रम गर्न आफुहरू बाध्य भएको बताएका छन् । जारी राजनीतिक गतिरोध अन्त्यका लागि दलहरूबीच शंका स्थिती तत्काल अन्त्य हुनुपर्नेमा उनको जोड थियो । त्यस्तै कार्याक्रममा उपस्थित भएका एमाले अध्यक्ष झलनाथ खनालले दलहरू आत्मकेन्दि्रत रहेकाले थप समस्या उत्पन्न भएको बताएका छन् । संघीयताको परिभाषा दलहरूले आ-आफ्नै ढङ्गले दिएकाले यस विषयमा विवाद उत्पन्न भएको खनालले बताएका छन् ।

त्यस्तै कार्याक्रममा बोल्दै नेपाली काग्रेसका कार्यावाहक सभापति शुशिल कोइरालाले तत्काल सवैदल संवेदनशिल भएर अगि बढ्नु पर्नेमा जोड दिएका छन् । गतिरोध अन्त्य गर्नका लागि उनले उच्च स्तरिय राजनीतिक संयन्त्रको पहिलो प्रस्ताव नेपाली काग्रेसलेनै राखेकाले राष्ट्रपतिलाई कुनै पनि आक्षेप नलगाईकन सहमति गर्न काग्रेस हरदम तयार रहेको बताएका छन् ।