'लभ स्टोरी २०६६' को अडियो विमोचन

काठमाण्डौ, २९ असार- वेभ प्रोडक्सनको प्रस्तुतीमा दिपक रायमाझीद्धारा निर्देशित चलचित्र 'लभ स्टोरी २०६६ ' को अडियो विमोचन भएको छ ।

मंगलबार राजधानीमा आयोजित एक कार्यक्रममा प्रमुख अतिथिको रूपमा आएकी नायिका करिश्मा मानन्धर लगायत केही चलचित्रकर्मीले सो चलचित्रको अडियो विमोचन गरेका हुन । जम्मा ६ वटा गित रहेको उक्त चलचित्रमा संगीत भने चेतन सापकोटाले दिएका छन् । चलचित्र लभस्टोरी २०६६ का विभिन्न ६ गितका रचनाकार प्रमोद ढुङ्गाना, राजेन्द्र थापा, नरेश भट्टराई र दयाराम पाण्डेले हुन भने ती गितहरूलाई अन्जु पन्त,पूजा लामा, चेतन सापकोटा, प्रमोद खरेल र मनोजराजले स्वर दिएका छन् ।

निर्माता मदन ताम्रारकार तथा लक्ष्मी नारायण सुवालको झण्डै ६० लाखको लगानीमा निर्मित को उक्त चलचित्र आगामी भदौ पहिलो साताबाट प्रदर्शनमा आउने बताइएको छ । चलचत्रिमा निखिल उप्रेती, अर्जुन कार्की, पूजा लामा, संचिता गुरूङ साथै नव कलाकारको रूपमा ममता थापालाई दर्शकले हेर्न पाउने छन् ।