नरेशको चलचित्र एक महिना पर सर्‍र्यो

काठमाण्डौ, १२ साउन- साउन २८ गतेबाट प्रदर्शन गर्ने तयारीमा रहेका निर्माता तथा निर्देशक नरेश पौडेलको चलचित्र 'दीप शिखा' एक महिना पर सर्ने भएको छ ।

यस अघि आगामी यहीँ साउन २१ गतेबाट प्रदर्शन मा आउने भनिएको उक्त चलचित्र थप एक हप्ताका लागि पर सारिएको थियो । निर्देशक पौडेलले दिएको जानकारी अनुसार सिमोस सुनुवारद्धारा निर्देशित चलचित्र फष्ट लभ साउन २१ गतेबाट प्रदर्शनमा आउने भएकाले आफ्नो चलचित्र एक महिना पर सार्नु परेको बताए । उनले भने 'चलचित्र नजुधोस भन्नका लागि परसारिएको हो, भदौ २५ गते रिलिज हुन्छ होला ।' हयाण्डसम नायक जिवन लुइटेल, निरक पौडेल र अरूणिमा लम्सालको त्रिपक्ष प्रेम कथालाई आधार बनाएर झण्डै चार बर्षपछी रजतपटमा आफ्नो फिल्म उतारेका नरेशले एक महिना चलचित्र पर सरेको प्रति भने कुनै गुनासो व्यक्त गरेनन् ।

उक्त चलचित्रको कथालाई नायिका अरूणिमा लम्सालले लेखेकी हुन भने, संगीत चेतन सापकोटाले दिएका छन् ।