काठमाण्डौको धोबी खोलामा बेवारिसे लाश फेला पर्‍र्यो, तस्बिर सहित हेर्नुहोस

काठमाण्डौ, १८ असार- काठमाण्डौको पुरानो बानेश्वर र मैतिदेवीको वीचमा रहेको धोबी खोला वार्ड नम्बर ५ को सेतो पुल मुनि बेवारिसे लाश फेला परेको छ ।

अन्दाजी ४५ देखी ५० उमेरको पुरूषको लाश शुक्रबार बिहान साढे नौ बजेको समयमा फेला परेको थियो । लाशको प्रकृति हेर्दा भर्खरै कपाल, दाह्री काटेको शरिरमा चोटपटक कहि नलागेको, र मृत लाश २४ घण्टा भित्रकोको रहेको महानगरिय प्रहरी प्रभाग सिहदरबार काठमाण्डौका प्रहरी निरिक्षक बीर बहादुर बुढामगरले जानकारी दिए ।

पुलमुनि टाउको पूर्वी मोहडामा घोप्टो परेर रहेका सनाखत खुल्न नसकेको मृतकलाई खोलाको बीच भागमा स्थानिय बासिन्दाले देखेपछी प्रहरीलाई खबर गरेका थिए । सेतो सेण्डो र हाफ पाइन्टमा जनाई र साचो सहित फेला पारिएको मृतकको साथबाट प्रहरीले १०र१० को दुई वटा नोट, एउटा पाँचको, दुई रूपैयाको डलर र एक रूपैयाको एउटा डलर फेला पारेको छ । मृतकको शरिरमा कुनै किसिमको चोटपटक नदेखिएकाले तत्काल केही भन्न नसिकने प्रहरीले जनाएको छ ।