विश्वभर शरणार्थी दिवस मनाईदै

काठमाण्डौ, ६ असार - विश्व भर रहेका झण्डै चार करोड शरणार्थीहरूले मेरो घर खोसिएको छ, तर मेरो भविष्य कसैले पनि खोस्न सक्दैन भन्ने मूल नाराका साथ आइतबार विश्वभर शरणर्थी दिवस मनाइरहेका छन् ।

संयुक्त राष्ट्रसंघको पहलमा प्रत्येक जुन २० तारिखका दिन मनाईने यो दिवस सन् २००१ देखी निरन्तर रूपमा संसारभर मनाइदै आइएको हो । विकाशन्मोख देशको प्रमुख समस्याको रूपमा रहेको शरणार्थी समस्यालाई अन्त्य गर्ने प्रयास स्वरूप यो दिवस मनाइदै आएतापनि खासै उपलब्धी भने कही हुन सकेको छैन ।

भुटानको राजनीतिक समस्याका कारण दुई दशक यता नेपालमा बस्दै आएका भुटानी शरणार्थीहरूलाई पनि नेपालको पनि एक प्रमुख समस्या रूपमा हेर्दै आइएको छ । नेपालको सरकारी तथ्याङ्गक अनुसार ७९ हजार ८ सय भुटानी शरणार्थी मध्ये पछिल्लो पटक तेस्रो देश पुनवास कार्याक्रम अर्न्तगत ३२ हजार शरणार्थीहरूलाई अन्य मूलकमा पुनवास गर्राईएतापनि सो समस्या अझै जहाको त्यही रहेको देखिन्छ ।