२४ घण्टे धर्नामा नागरिक अगुवा

काठमाण्डौ, १९ माघ- समयमै संविधान निर्माण गर्न र शान्ति प्रक्रियालाई टुङ्गोमा पुर्‍याउनका निम्ति राजनीतिक दललाई दबाव दिने उद्देश्यका साथ नागरिक आन्दोलनका अगुवाहरू २४ घण्टे नागरिक खबरदारी धर्ना कार्याक्रममा उत्रिएका छन् ।

संविधान निर्माण गर्ने थलो संविधानसभा भवन नयाबानेश्वर अगाडी आज १ बजेबाट सुरू गरिएको सो धर्ना भोलि बुधबार दिउसो १ बजे सम्म जारी रहने छ । यस्तै धर्नामा उत्रिएको नागरिक आन्दोलनका अगुवाहरूले आम जनताले व्यहोर्नु परिरहेको महङ्गी, अभाव, असुरक्षा, सार्वजनिक अनुशासनहीनता, दण्डहिनता र अराजकता प्रति दलहरूउदसिन भएको भन्दै २४ घण्टे खबरदारी धर्ना आयोजना गरिएको बताएका छन् । यस्तै उनीहरूले बृस्तृत शान्ति सम्झौतालाई अक्षरश: पालना गर्न लगायत गणतन्त्र सुनिश्चित गर्न दलहरूसंग आग्रह समेत गरेका छन् । धर्नामा नागरिक आन्दोलनका तर्फबाट डा सुन्दरमणी दिक्षित, पध्मरत्न तुलाधर, देवेन्द्र राज पाण्डे, कृष्ण पहाडी, खगेन्द्र संग्रयौला, श्याम श्रेष्ठ, नेपाल पत्रकार महासंघका पूर्व सभापति विष्णु निष्ठुरी लगायत रहेका छन् ।