विशाल बजारमा गोली चल्यो

काठमाण्डौ, १० माघ- राजधानीको मुटुको रूपमा परिचित न्युरोडमा रहेको विशाल बजार सुपर मार्केटमा लुटेराहरूले गोली चलाएका छन् ।

स्थानीय सुनाचादी व्यवसायी प्रकाश राजभण्डारीलाई लुट्ने प्रयासमा गोली चलाइएको जनसेवा प्रहरी प्रभागका निरिक्षक तुलबहादुर कार्कीले बताए । त्यस्तै उनले विहान करिब ११ बजेको समयमा विशाल बजारको अन्डरग्राउण्डमा रहेको पार्किक स्थलमा लुटेराहरूले कुरेर सो घटना गराएको बताए । घटनालगत्तै २ जना व्यक्ति मोटरसाइकल चढी फरार भएको बताइएको छ । लुटेराहरू बा २२ प ९५८३ नम्बरको मोटरसाइकलमा फरार भएको निरिक्षक कार्कीले बताए । उनीहरूको लुट्ने योजना सुनियोजित भएको बताउदै कार्कीले जसरी भए पनि अपराधी पत्ता लगाई छाड्ने बताए ।
यस्तै घटनामा दुई जनाको संग्लनता रहेतापनि प्रत्यक्षदर्शीले दुई जना पार्किङ स्थलमा रहेको र बाकी दुईले गोली चलाएको बताएका छन् । यस्तै घटनापछी अहिले विशाल बजार सुपरमार्केटमा सुरक्षा बर्ढाईको छ ।