धामीको रिहाइको लागि विद्यार्थीद्धारा प्रदर्शन,आधा दर्जन प्रहरी हिरासतमा

काठमाण्डौ, २४ मंसिर- आफ्नै सहकर्मीबाट बलकृत प्रहरी सुन्तली धामीलाई रिहाइ गर्नु पर्ने माग राख्दै पद्यकन्या क्याम्पसका विद्यार्थीहरूले आज पुतली सडक क्षेत्रमा प्रदर्शन गरेका छन् ।

केही दिन देखि नजरबन्दमा रहेकी सुन्तली धामीलाई भेट्न पद्यकन्य क्याम्पसकी स्वविय सभापति सहितको एक टोलीलाई मंगलबार प्रहरी अस्पताल महाराजगञ्जका प्रहरीले दुर्बव्यवहार गरी हिरासतमा लिएको विरोधमा आज उनीहरूले प्रदर्शन गरेका हुन । हिजो बेलुकी हिरासतमा लिएतापनि केही समय पछी उनीहरूलाई मूक्त गरिए पनि विरोध स्वरूप उनीहरूले आज पुतलीसडक मुख्य चोकमा पुन प्रदर्शन गरेका थिए । प्रदर्शन क्रममा दरबारमार्ग प्रहरीको टोलीले पद्यकन्या क्याम्पसकी स्ववियु सभापति स्वस्तिका पोखरेल लगायत आधा दर्जन महिला विद्यार्थीलाई पक्राउ गरेको छ ।