माओवादीले शान्ति सम्झौता उल्घन गरेको सरकारको ठहर, १३ सदस्य सुकुम्बासी समस्या समाधान आयोग गठन

काठमाण्डौ, २४ मंसिर- आज विहान बसेको मन्त्री परिषदको बैठकले माओवादीले शान्ति सम्झौता उल्घन गरेको ठहर गरेको छ ।

बैठकका बारेमा जानकारी दिदै सरकारका प्रवक्ता एव सूचना तथा सञ्चार मन्त्री शंकर पोखरेलले सुकुम्बासी समस्यालाई हल गर्न गोपाल माणी गौतमको अध्यक्षतामा १३ सदस्य सुकुम्बासी समस्या समाधान आयोग गठन गरेको जानकारी दिएका छन् । त्यस्तै आजको मन्त्रीपरिषदको बैठकले गणतन्त्र घोषणपछी पूर्व राजा ज्ञानेन्द्रले तिर्नुपर्ने सम्पूर्ण कर असुल्ने निर्णय समेत गरेको उनले बताएका छन् । साथै माओवादीले शान्ति सम्झौता उल्घंन गरेको विषयलाई अन्तराष्ट्रिय समुदायलाई लक्षित गरी अनमिन, संयुक्त राष्ट्र संघ लगायतको ध्यानकर्षा गर्ने गरी गृह, रक्षा र परराष्ट्र मन्त्रालयलाई आफ्नो कार्य थाल्न सरकारले निर्देशन समेत दिएको पोखरेलले बताएका छन् ।

बैठकले नेपाली सेनाका साहायक रथी महेश विक्रम कार्कीको पदावधि थपगर्ने तथा प्रधानसेनापति छत्रमान सिह गुरूङलाई भारतको मानार्थ सेनापतिको उपाधी लिन स्वीकृति समेत दिएको छ । त्यस्तै मधेस आन्दोलनमा घाइते भएका तथा मृत्यु भएका परिवारलाई राहत र क्षतिपूर्ति का लागि तत्काल २ करोड रूपैया निकासा गर्ने निर्णय समेत भएको छ ।
साथै नियूक्ति तर्फ सरकारले सास्कृतिक संस्थानको अध्यक्षमा ध्रव प्रसाद रिजाललाई चयन गरिएको छ । साथै गएको बर्षबजेटमा व्यवस्था भएबमोजिम विधवा, दलित गैर दलित विवाहलाई प्रोत्साहन गर्ने निर्देशिका समेत आजको मन्त्री परिषदको बैठककले स्वीकृत गरेको छ ।