माओवादीले आज तमुवान र मगरात गणराज्य घोषणा गर्दै, तमुवानको विरोधमा पोखराका सम्पूर्ण विद्यालय बन्द

काठमाण्डौ, २ पुस- मंसिर २६ यता हिजो सुद्ध १० वटा गणराज्य घोषणा गरेको एकिकृत माओवादीले आज थप दुई गरी पोखरामा तमुवान र पाल्पामा मगरात गणराज्य घोषणा गर्दे छ ।

कास्कीको पोखरामा माओवादी नेता देव गुरूङले तमुवान गणरज्यको घोषणा गर्ने छन् भने पाल्पा स्थित तानसेन टुडिखेलमा माओवादी महासचिव राम बहादुर थापाले मगरात गणराज्य घोषणा गर्ने कार्याक्रम रहेको माओवादीले जनाएको छ । यस्ते सभालाई सम्बोधन गर्न माओवादी प्रवक्ता दिनानाथ शर्मा, पोलिटव्यूरो सदस्य टोप बहादुर रायमाझी लगायतले समेत सम्बोधन गर्ने बुझिएको छ ।

यस्तै उता पोखरामा तमुवान गणराज्य घोषणाको विरोधमा आधादर्जन विद्यार्थी संगठनले एकतर्फी रूपमा गणराज्य घोषण भएको भन्दै आज पोखराका सम्पूर्ण विद्यालयहरू बन्द गराएका छन् । १४ वटा गणराज्य घोषणाको तयारीमा रहेको एकिकृत माओवादीले थप दुई राज्य घोषणा गर्दा गणराज्यको संख्या १२ पुग्ने छ । त्यस्तै गणराज्य घोषणा कार्याक्रमको अन्तिम दिन भोली शुक्रबार उसले मधेस गणराज्य घोषणा गर्दै छ ।