माओवादीको गणराज्य घोषणाको कार्याक्रम आज पनि रोकिएन, शेर्पा र किरात घोषणा गरिदै

काठमाण्डौ, २९ मंसिर- गणराज्य घोषणाको कार्याक्रम शान्ति प्रक्रिया विपरित भएको भन्दै सवत्र विरोध भई रहेको अवस्थामा माओवादीले आज तेस्रो पटक पनि गणराज्य घोषणाको कार्याक्रमलाई निरन्तरता दिएको छ ।

आज माओवादीले सोलुखुम्बुको सल्लेरीमा शेर्पा गणराज्य घोषणा गर्नुको साथै खोटाङमा किरात गणराज्य घोषणा गर्दै छ । सोलुखुम्बुको सल्लेरीमा माओवादी अध्यक्ष पुष्पकमल दाहालले शेर्पा गणराज्य र खोटाङको दिक्तेलमा महासचिव रामवहादुर थापाले किरात गणराज्य घोषणा गर्ने कार्याक्रम रहेको माओवादीले जनाएको छ । १४ वटा गणराज्य घोषणाको तयारीमा रहेको माओवादीले यस अघि गत २६ गते कोचिला र लिम्बुवान गणराज्य घोषणा गर्नुको साथै हिजो सुदुर पश्चिममा सेती-महाकाली र थरूवान गणराज्य घोषणा गरिसकेको छ ।