बजेट भोली पास हुने, संसदको बैठक ११ बजे बस्दै, बैठकलाई प्रचण्डले सम्बोधन गर्ने

काठमाण्डौ, ८ मंसिर- एकिकृत माओवादीले तीन दिनका लागि सदन खोल्ने सहमति गरेपछी चार महिना पश्चात व्यवस्थापिका संसदको बैठक आज बस्दै छ ।

प्रधानमन्त्री निवास बालुवाटारमा आज विहान बसेको सत्ता साझेदार २२ दलको बैठकले ०६६/०६७ को मूल विनियोजन विधयेकलाई भोलीनै पारित गर्ने र बाकी अन्य साना विधयेकलाई पर्सी पारित गर्ने निर्णय गरेको एमाले सचेतक भीम आचार्यले जानकारी दिएका छन् । बजेट पास नभएर आर्थिक संकट झेलिरहेको सरकारले आफ्ना पाच विधयेक मध्ये पेस्की खर्च विधयेक भने गत असार ३१ गते बजेट भाषण भएकै दिन पारित गरिसकेको छ । त्यस्तै पारित हुन बाकी अन्य चार विधयेकहरूमा विनियोजन विधेयक, आर्थिक विधेयक, राष्ट्रऋण विधेयक र ऋण तथा जनमत विधेयक रहेका छन् । विनियोजित विधेयक पारित गर्नका लागि सत्ताधारी सवै दलले भोली हुने मतदानमा अनिवार्य उपस्थितिका लगि आफ्ना सभासदलाई व्हीप समते जारी गर्ने भएका छन् । त्यस्ते गठबन्धनका ठूला प्रमुख दुई दल एमाले र काग्रेसले भने हिजो नै आफ्ना सभासदलाई अनिवार्य उपस्थितिकालागि व्हीप जारी गरिसकेको छ भने फोरम लोकतान्त्रिकले आफ्ना सभासदलाई आज व्हीप जारी गरेको छ ।

त्यस्तै आज बस्ने व्यवस्थापिका संसदको बैठकलाई एकिकृत माओवादीका अध्यक्ष पुष्पकमल दाहाले प्रचण्डले समेत सम्बोधन गर्ने भएका छन् ।