आन्दोलनको रणनीतिमा माओवादी व्यस्त

काठमाण्डौ, १३ मंसिर- आन्दोलनको रणनीति तयार पार्न एकिकृत माओवादीले आज विशेष भेला आयोजना गर्दै छ ।

नेवा राज्य समितिको आयोजनामा हुन लागिएको उक्त भेलामा आगामी मंसिरको अन्तिम साता माओवादीले गर्ने भनेको स्वायक्त राज्य घोषणाको कार्याक्रमलाई सशक्तताका साथ कसरी अगाडी बढाउने भन्ने विषयमा रणनीति तयार गर्ने बुझिएको छ । नेवा राज्य समितिका इन्चार्ज हितामान शाक्यका अनुसार उक्त बैठकमा माओवादी अध्यक्ष सहित केन्दि्रय स्तरका नेता समेत उपस्थित हुने कार्याक्रम रहेको बताएका छन् । साथै उनले पाटनमा आज हुन गइरहेको अखिल नेपाल प्रगतिशिल प्राध्यापक संघको पहिलो बैठकलाई समेत सम्बोधन गर्ने कार्याक्रम रहेको उनले बताएका छन् । प्राध्यापकहरूको उक्त बैठक ललितपुरको पाटन क्याम्पसमा हुदै छ ।