के रेखा विद्यवा हुन ?

अनुप भट्टराई
काठमाण्डौ फाल्गुन ४
नम्बर वान नायिका रेखा थापाका पति निर्माता छवि ओझा हुन, यो कुरामा कुनै विवाद छैन । यि दुईले करिब एक दशक अघि विवाह गरेका थिए । उमेरले बाबु छोरी जस्तो देखिने यो जोडी आ-आफ्नै कारणले चर्चामा छ र सफल पनि । २०५७ सालमा चलचित्र 'हिरो' मार्फत नेपाली रजतपटमा डेब्यू गरेकी अभिनेत्री थापा अहिलेकी निकै चर्चित नायिका हुन ।

कलिउड बजारमा यिनले गरेका हरेक क्रियाकलाप समाचारका खुराक बन्ने गर्दछन् । कहिले माओवादी अध्यक्ष प्रचण्डसँग कम्मर मर्काएर यिनी चर्चामा आउछिन त कहिले माओवादीकै कुनै नेतालाई भाई टिका लगाएर यिनले आफ्नो चर्चा सेलाउन दिदिनन् । यस्तै एक अचम्मको चर्चाको बिषय यिनले प्रयोग गर्दै आएको अनलाईन सामाजिक सञ्जाल फेसबुकमा फेला पारिएको छ । जहा रेखाले पति जिउदो छदाछदै आफू विद्यवा भएको उल्लेख गरेकी छिन् । गएको असोज एघार गते देखि सो सञ्जालको सदस्य बनेकी रेखाको फेसबुक वालको इन्फोको रिलेसन सिप स्टाटसमा अंग्रेजी शब्दमा आफू विद्यवा भएको उल्लेख गरेको देख्न सकिन्छ ।

अंग्रेजी नजारे पक्कै पनि रेखाले त्यो स्टाटसमा आफू विद्यवा भएको लेखेकी हैनन् होला । किन की उनी अंग्रेजी माध्यमकै हाईस्कुल पढेको सो इन्फोको पहिलो पंक्तिमा उल्लेख गरिएको छ । के रेखाले त्यो शब्द लेख्नुमा उनको कमजोरी हो वा पति छवि ओझासँग आफ्नो सम्बन्धमा धमिलो पना आएको सुस्त संकेत त्यो स्टासबाट बाहिर ल्याउन उनले चाहेकी हुन ? वा छवि अब उनलाई हृदय मन पर्न छाड्यो ? नभए के कारणले उनले फेसबुक इन्फोमा आफू विद्यवा भएको उल्लेख गरेकी हुन । के हो त रेखा जी बुझ्न सकिएन नी ?

रेखा थापाको फसबुक इन्फोमा जान यहाँ क्लिक गर्नु होला ।

बुझ्न सकिएन नवनायिकाको चाला

भनिन्छ मानिसले अरूको मन जित्नु छ भने उसले पहिलो भेटमै आकर्षक कुरा गर्छ वा त्यही किसिमको ब्यक्तित्व मानिसहरूको अगाडी देखाउछ । तर सोही मानिसले पहिलो भेटमा भिन्न प्रकृतिको ब्यबहार देखाउछ भने अवश्य पनि ती कुराहरू अपाच्य बन्न सक्छ ।

यस्तै भयो हिजो बुधबारको प्रेस शोमा जहाँ चलचित्र स्वरको विशेष प्रदर्शनी भएको थियो । ग्रयाण्ड प्रदर्शन भनि बेलुकी ठीक पाँच सो चलचित्रको टिमले सञ्चारकर्मी र चलचित्रकर्मीलाई फिल्म हेर्न जय नेपालहलमा निम्ता दिएको थियो । जस अनुरूप ठीक ६ बजे सवैको उपस्थितिमा उक्त टिमले फिल्म स्क्रिनिङ गर्ने योजना बनाएको थियो । तर योजना अनुरूप सोही चलचित्रका नायिका त्रय केकी अधिकारी, रिमा विश्कर्मा तथा बेनिषा हमालको निकै ढिला उपस्थितिले फिल्म शो निर्धारित समय भन्दा ठीक ४२ मिनेटपश्चात अर्थात ६ बजेर ४२ मिनेट हुदा स्क्रिनिङ गरिएको थियो ।

पहिलो चलचित्रको प्रिमियरमा भब्य पहिरनमा आउन कुन चाहि कलाकारलाई रहर हुदैनर ? जस अनुरूप सोही चलचित्रका नायिका त्रयले यिति धेरै मेकअप गरेछन्की उनीहरूलाई दिएको समय नाघेको अत्तोपत्तो भएनछ् । सोही चलचित्रका मुख्य नायक राजबल्लभ कोइराला निर्देशक प्रसन्न पौडेल सहित आफ्ना तीन जना निर्माताहरूसँग पाँच बजेनै सिनेमा भवनमा उपस्थित भएका थिए । तर चलचित्रका मुख्य नायिकाहरू समयमा उपस्थित नभैदिदा सञ्चारकर्मीको विभिन्न प्रश्नमा निर्देशक पौडेल निकै तनावमा देखिएका थिए । अहिले आउलान भरे आउलान भन्दै हिरोइन कुर्दा निर्देशक पौडेल र सो चलचित्रका निर्माता त्रयको छटपर्टाई सो प्रिमिरको प्राङ्गणमा स्पष्ट देखिएको थियो ।

'तिमिहरू कहाँ आईपुग्यौ ?' भनी प्रसन्नले नायिकाहरूलाई प्रत्येक मिनेटमा फोन गर्थे तर मेकअपमा लठ्ठ भएका हेरोईनहरूको सानो आश्वासनले पौडेल रिसले मुर्मुरिदै फोन राख्न बाध्य हुन्थे । यसै समाचारलाई फलो गर्दै फिल्मीखबरले ठीक सवाँ ६ बजे नायिका त्रय मध्येकी एकलाई फोन सर्म्पर्क गर्दा उनले डिल्लीबजारमा आईपुगेकी प्रतिक्रिया दिएका थिइन् ।

अनन्तत् ठीक साढे ६ बजे उनीहरूको उपस्थिति भयो जयनेपाल प्राङ्गगणमा जहाँ चिसो मौसममा गर्मीको जस्तै पहिरन, त्रय मध्येकी दुई नायिकाले लगाएको देख्दा सञ्चारकर्मी निकै अचम्ममा परेका थिए । तर ढिला उपस्थित भएका कारण तीनीहरूको पहिरनलाई अन्य पाहुनाले स्क्रिनिङ अगाडी देख्न पाएनन् । माघ १९ गतेको साझ निकै जाडो थियो तर शरिरमा लगाउने ज्याकेटलाई हातमा भिरेर सो चलचित्रका दुई नायिका रिमा विश्वकर्मा र बेनिषा हमालको बहादुरी इन्ट्रीमा केकी अधिकारी पनि मुछिएकी थिईन्, किनकी उनीहरूसँगै केकी पनि थिईन् । निकै राम्रो सम्भावना बोकेकी केकी मौसम अनुकुलको पहिरनमा भएकाले उनी आलोचनाको पात्र बनिन् ।

उसैत समयको ख्याल नगरी आफ्नो पहिलो प्रिमियरमा ढिला उपस्थित भएका यि नव नायिकाको तालले के संकेत गर्छ ? समयको ख्याल नभएको हो वा माघको मध्य जाडोमा आफ्नो ग्ल्यामार शरिर देखाउने रहर उनीहरूलाई भएको हो ? बुझ्न सकिएन नवनायिकाको चाला ........