कालो प्रजातन्त्रले जित्यो पुरस्कार

काठमाण्डौ, ८ असार- रंगहरूलाई संयोजन गरेर कालो प्रजातन्त्रको परिभाषा दिएर काभ्रे महादेव स्थानका २० बर्षीय अनुप पौडेलले निर्माण गरेको डेमोक्रेसी इज ब्ल्याक नाम बृत्तचित्र सर्वोत्कृष्ट भएको छ ।

अमेरिकी सरकारको आयोजनामा डेमोक्रेसी भिडियो च्यालेन्ज प्रतियोगितामा सहभागी विश्वका ८९ देशका २ हजार २ सय प्रतिस्पर्धीलाई उछिन्दै पौडेलको भिडियो सर्वोत्कृष्ट भएको हो । परिवारलाई रंगकोसंगको संयोजनमार्फत उनले बाबुको प्रजातन्त्रलाई स्वतन्त्रतासंग निलो रंग, दाजुलाई एकतासंग पहेलो, दिदीलाई शान्तिसंग हरियो, आमालाई मायासंग रातो र तीनीहरूको पूर्ण संयोजनबाट आफ्नो बीचारलाई कालो प्रजातन्त्रको रूपमा भिडियोमा प्रस्तुत गरेका थिए ।

आफ्नो रूची अन्तै तर उनको परिवारको चाहाना इञ्जिनियरिङ्ग पढाउने थियो र केही समय उनले परिवारको चाहान बमोजिम इञ्जिनियरिङ्ग पनि पढे र अन्त्यमा आफ्नो चाहना बमोजिम जयबागेश्वरीमा रहेको ओस्कार कलेज अफ फिल्म स्टडिजमा भर्ना भए र त्यही पढाइको साहायताले विश्वलाई जित्ने चलचित्र बनाउन सफल भएका हुन ।


यस अघि फिलिपिन्समा आयोजना भएको जलवायु परिवर्तन सम्बन्धी प्रतियोगितमा पनि आफ्नो चलचित्रलाई सर्वोत्कृष्ट पार्न सफल भएका यि युवा निर्देशक पौडेललले थुप्रै छोटा चलचित्र निर्माण गरिसकेका छन् ।

हाल काठमाण्डौको कोटेश्वरमा काका-काकीकोमा बस्दै आएका विश्व विजेता पौडेलले कालो रंगको प्रजातन्त्रलाई संसारभर देखाउन पाउने छन् । जसका लागिउनी छिट्टै नै सपनाको देश अमेरिका प्रस्थान गर्ने छन् ।

भिडियो हेर्नलाई लिङ्कमा क्लिक गर्नुस
http://www.youtube.com/watch?v=52mmgGmuMmo&feature=related