सरकारको निर्णय प्रति माओवादीले कडा प्रतिवाद गर्ने

काठमाण्डौ, २५ मंसिर- मन्त्री परिषदको बुधबारको बैठकले कैलाली घटनामा माओवदीले शान्ति सम्झौता उल्घंनको गरेको आरोप लगाएको प्रति माओवादीले सरकारको त्यस कदम विरूद्ध कडा प्रतिवाद गर्ने भएको छ ।

पार्टी अध्यक्ष पुष्पकमल दाहालको निवास नयाबजारमा आज बसेको माओवादी पदाधिकारीको बैठकले प्रधानमन्त्री माधव कुमार नेपाल संग केही दिन अघि अध्यक्ष पुष्पकमल दाहालले गरेको वार्ता विपरित निर्णय आएको भन्दै माओवादीले सरकारको सो निर्णय प्रति कडा आपत्ती जनाएको छ । बैठक पछी सञ्चारकर्मीहरूसंग कुरा गर्दै माओवादीका उपनेता नारायणकाजी श्रेष्ठले मन्त्रीपरिषदको हिजो निर्णय अस्वभाविक भएको भन्दै माओवादीले त्यसको कडा प्रतिवाद गर्ने बताए । साथै उनले यस विषयमा प्रधानमन्त्री संग सर्म्पर्कको प्रयास समेत भइरहेको बताए ।