बोस्टनमा एक नेपालीको हत्या

काठमाण्डौ, १२ पुस- अमेरिकाको बोस्टन स्थित जमैका प्लेन भन्ने स्थानमा हिजो शनिबार अपराधिक समूहले गोली हानी एक नेपालीको हत्या गरेको छ ।

हत्या भएका ती नेपाली काठमाण्डौको साखु घर भएका ४० बर्षो सुरेन्द्र डङगोल रहेको अमेरिकाबाट प्रकाशित हुने अनलाईन पत्रिका नेपाली पोष्टले जनाएको छ । पोष्टका अनुसार एक साता अघि मात्र हाइट पार्कबाट स्थानिय टेडेस्की फूड स्टोरमा काम गर्न सुरू गरेका डङगोललाई हत्याराले छातीमा गोली हानी सो स्टोरको क्यास रजिस्टरबाट पैसा समेत लुटेको जनाएको छ । विगत ३ बर्षयता अमेरिकामा बस्दै आएका डङगोल कार्यरत स्टोर पाकिस्तानी मूलका नागरिकले सञ्चालन गर्दै आएको सो पत्रिकाले जनाएको छ । यस्तै डङगोलको श्रीमती र ९ बर्षी छोरी रहेको बुझिएको छ ।