चौथो चरणको आन्दोलनको ठोस खाका तयार गर्न माओवादी स्थायी समिति र पोलिटब्यूरो बैठक बस्दै

काठमाण्डौ, १२ पुस- चौथो चरणको आन्दोलनको घोषणा गरिसकेको एकिकृत माओवादीले आज आफ्नो आन्दोलनको ठोस खाका सार्बजनिक गर्दै छ ।

यसका लागि मध्यान्न १२ बजे पार्टी केन्दि्रय कार्यालय पेरिस डाडामा माओवादी स्थायी समितिको बैठक बस्ने र आन्दोलनका कार्याक्रम तय गरिने साथै अपरान्ह बस्ने पोलिटव्यूरो बैठकमा नेताहरूलाई आन्दोलनको जिम्मवारी दिइने माओवादीले जनाएको छ । गएको पुस ७ गते नै नया बानेश्वरमा भएको आम सभामा माओवादी अध्यक्ष प्रचण्डले पुस १० गते देखि एक महिने राष्ट्रिय जागरण तथा भण्डाफोर कार्याक्रम गर्ने बताएका थिए । यस्तै माओवादीको सो दुई बैठकले भारतद्धारा अतिक्रमित नेपालका सुस्ता लगायत कालापानी क्षेत्र अबलोकनका लागि केन्दि्रय नेता सहितको निरिक्षण कार्याक्रम समेत गर्ने बुझिएको छ । यध्यपी आन्दोलनको स्पष्ट निर्णय अपरान्ह पोलिटब्यूरो बैठक पश्चात पत्रकार सम्मेलन गरी माओवादीले सार्बजनिक गर्ने जनाएको छ ।