भोली बाट ३ दिन नियमित संसद बैठक चल्ने, आजलाई स्थगित

काठमाण्डौ, ७ मंसिर- चार महिना देखि अबरूद्ध हुदै आएको व्यवस्थापिका संसदको बैठक भोलीबाट नियमित रूपमा तीन दिन सम्मका लागि चल्ने भएको छ ।

सेनापति प्रकरणमा राष्ट्रपतिले चालेको कदम असंवैधानिक भएको भन्दै गएको साउन २३ गते बाट माओवादीले अबरूद्ध पार्दै आएको व्यवस्थापकिा संसदको बैठक बजेट पासका निम्ति भोली सोमबार, मंगलबार र बुधबार सम्मका लागि संसद खोल्न दिने निर्णय माओवादीले गरेका कारण बैठक नियमित हुने भएको हो । आज सिहरदबार स्थित माओवादी संविधानसभा दलको कार्यालयमा बसेको बैठकले हिजो केन्दि्रय समितिको निर्णय बमोजिम तीन दिनका लागि संसद खुलाउन लागिएको माओवादी उपनेता नारायणकाजी श्रेष्ठ प्रकाशले बताएका छन् । सञ्चारकर्मीहरूलाई संक्षिप्त प्रतिक्रिया दिदै नेता श्रेष्ठले बजेटका निम्ति सदन खोल्ने सहमति भएता पनि संसदबाट बजेटपास प्रक्रियालाई माओवादीले बहिष्कार गर्ने बताएका छन् । भरसक बजेट परित हुने दिन माओवादीका कोही पनि सदस्य संसदमा उपस्थित हुन नसक्ने बताएका छन् । त्यस्तै आज अपरान्हका लागि डाकिएको व्यवस्थापिका संसदको बैठक भने स्थगित गरिएको छ । माओवादीले तीन दिन सम्मका लागि नियमित संसद खोल्न दिने निर्ण्र्ाार्सार्वजनिक गरेपछी भोली बाट संसदको कामकारवाहि नियमित हुने भन्दै े बैठक भोलीका लागि सारिएको हो ।