बजेटका लागि संसद खोलिदैन : किरण

काठमाण्डौ, ४ मंसिर- एकिकृत माओवादीका उपाध्यक्ष मोहन बैद्य किरणले बजेट पास गर्नका लागि मात्र संसद खोल्न नसकिने बताएका छन् ।

राजधानीमा आयोजित एक साक्षात्कारमा बोल्दै किरणले माओवादीले उठाएको मागका विषयलाई प्याकेजमा सम्बोधन नगरिएसम्म संसद चल्न नदिने स्पष्ट पारेका छन् । तेस्रो चरणको आन्दोलनको कुनै विकल्प नरहेको भन्दै उनले आगामी माओवादी आन्दोलनको तयारीका निम्ति आजै माओवादीका केन्दि्रय पदाधिकारी बीच छलफल भएको र केही दिनमै केन्दि्रय समितिको बैठक बस्ने खुलाशा गरेका छन् । नागरिक सर्वोच्चतानै आफ्नो पार्टी पहिलो माग रहेको भन्दै बैद्यले नागरिक सर्वोच्चता प्राप्त नभएसम्म कुनै पनि हालतमा आफ्नो आन्दोलन नरोकिने बताएका छन् । त्यस्तै उनले सरकार प्राप्तिका लागि मात्र माओवादीले आन्दोलन गरेको भन्ने हल्ला केबल दुस्प्रचार रहेको भन्दै संविधान विरोधी षडयन्त्रकारीहरूलाई परास्त गर्ने बताएका छन् ।